Ағымдағы жылдың 10 тамыз күні қазақтың ұлы ақыны, ойшылы, ағартушы-композитор Абай Құнанбаевтың туған күні. Осыған орай, 4 тамыз күні Маңғыстау облысы әкімі аппаратының «Қоғамдық келісім» коммуналдық мемлекеттік мекемесі Ақтау қалалық орталық кітапханасымен бірлесіп «Жас қанат» жастары арасында «Жазда демаламыз, бірақ кітап оқуды ұмытпаймыз!» атты іс-шара өткізді.

Аталмыш  іс-шараның мақсаты - жастарды патриотизмге баулу, азаматтыққа  тәрбиелеу, кітап оқуға қызығушылығын арттыру және жастарды Абай шығармашылығымен таныстыру.

Іс-шараның арнайы қонағы Белорус этномәдени бірлестігінің өкілі Гусейнова Галина Александровна жастарға ақынның туындысынан үзінді оқып берсе, кітапхана қызметкері Абай Құнанбаевтың өмірі мен шығармашылығынан құралған слайд-презентация көрсетіп,  жастарға кітапхана жанынан арнайы ашылған көрмемен таныстырды.

Ал, МО АӘ «Қоғамдық келісім» КММ қызметкерлері айтылған ақпарат бойынша қызықты викториналық сұрақтар қойып, дұрыс жауап бергендерге арнайы сыйлықтар ұсынды.

Маңғыстау облысы әкімі аппаратының

«Қоғамдық келісім» КММ баспасөз қызметі