Ашық диктант ағымдағы жылдың 20 қыркүйегінде жергілікті уақытпен сағат 10.00-де Қарақия, Маңғыстау, Бейнеу, Мұнайлы, Түпқараған аудандарында да өткізілді. Ашық диктанттың мақсаты: Мемлекеттік тілді білуге қызығушылықты арттырып, қазақстандық бірегейлікті қалыптастыру, қоғамдық келісім мен ел бірлігін нығайту. Аталмыш шараға өзге ұлт өкілдері де қатысты. Негізгі мақсаттың бірі – барлық қатысушыларға өз білім деңгейлерін және қаншалықты сауатты жазатындықтарын тексеруге мүмкіндік беру. Диктант мәтінін жоғары санатты, қазақ тілі пәнінің мұғалімдері оқыды.